- Heim
- Réttindi
- Íslenska
- English
- Polski
- Español
- اَلْعَرَبِيَّةُ
- ภาษาไทย
- Fræðsla
- Að aðstoða seinfæra foreldra
- Handbók um notendasamráð
- Stjórnmálaþáttaka fatlaðs fólks
- Fræðsla um viðeigandi aðlögun á vinnustað
- Fatlað fólk á vinnumarkaði: aðstæður, þarfir og réttindi
- Hvernig notum við samfélagsmiðla og fjarfundarforrit?
- Verum örugg: bæklingur um ofbeldi
- Ofbeldi gegn fötluðu fólki
- Málþing og ráðstefnur
- Lifandi tækni
- Þak yfir höfuðið
- Framtíð sem skilur engan eftir
- Göngum í takt! Ráðstefna um atvinnumál
- Fíkni- og geðheilbrigðisvandi fólks með þroskahömlun og einhverfu: Völundarhús sjálfræðis
- Afmælisráðstefna 2016
- Ráðstefna um búsetu fólks með þroskahömlun 2016
- Málstofa Minningarsjóðs JG
- Að túlka óskir annarra
- Virkjum hæfileikana
- Allir þurfa þak yfir höfuðið
- Greinar á vegum LÞ
- YouTube rás Þroskahjálpar
- Halli sigurvegari
- Eldra fræðsluefni og tímarit
- Skýrsla: Framkvæmd Samnings Sameinuðu þjóðanna um réttindi fatlaðs fólks á Íslandi 2019
- Samtökin
- Vefverslun
Ályktanir landsþings Þroskahjálpar 2023
21.10.2023
Á fjölmennu landsþingi Landssamtakanna Þroskahjálpar þann 21. október 2023 voru samþykktar ályktanir með þeim málefnum sem brýnust eru í réttinda- og hagsmunabaráttu fatlaðs fólks.
Landssamtökin Þroskahjálp hafa lagt áherslu á þessi málefni s.l. ár, og áratugi, margt hefur áunnist en í mörgum málaflokkum er langt í land.
Það er einlæg ósk samtakanna að stjórnmálamenn, bæði á Alþingi og sveitarstjórnarstigi, kynni sér áherslur samtakanna og taki höndum saman með samtökunum að vinna að hagsmunum, tækifærum og réttindum fatlaðs fólks.
Húsnæðismál
Stjórnvöld tryggi fötluðu fólki húsnæði við hæfi.
Landsþing Landssamtakanna Þroskahjálpar krefst þess að stjórnvöld tryggi að fatlað fólk geti átt eigið heimili. Margt fólk með þroskahömlun og/eða skyldar fatlanir hefur þurft að bíða eftir að fá íbúð, sem það á lagalegan rétt á, árum saman og jafnvel í áratug.
Með þessari óforsvaranlegu og ólöglegu framkvæmd er vegið mjög alvarlega að margvíslegum mikilvægum mannréttindum, s.s. réttinum til sjálfstæðs og eðlilegs lífs og tækifærum til að eiga einkalíf og fjölskyldulíf. Þetta er ólíðandi ástand sem ábyrg stjórnvöld ríkis og sveitarfélaga verða að setja í algjöran forgang.
Rafræn skilríki
Stjórnvöld tryggi án frekari ástæðulausrar tafar fullt aðgengi fatlaðs fólks að rafrænum skilríkjum.
Landsþing Landssamtakanna Þroskahjálpar krefst þess að stjórnvöld setji í algjöran forgang að leysa það neyðarástand sem þau hafa skapað í lífi fólks með þroskahömlun og aðstandenda þeirra vegna innleiðingar rafrænna skilríkja.
Fólki með þroskahömlun og/eða skyldar fatlanir er neitað um rafræn skilríki sem leiðir til þess að það á í miklum erfiðleikum með að nýta réttindi sín og fá mikilvæga þjónustu.
Stafræn framþróun er á fleygiferð og hafa stjórnvöld varið milljörðum í hana. Á sama tíma er alltof lítið tillit tekið til þarfa og hagsmuna jaðarsettra hópa, m.a. fatlaðs fólks.
Samningur Sameinuðu þjóðanna um réttindi fatlaðs fólks er skýr. Tækni á að nota til að einfalda og bæta líf fatlaðs fólks og hana má aldrei nýta til að auka á jaðarsetningu þess.
Geðheilbrigðisþjónusta
Stjórnvöld tryggi að viðeigandi geðheilbrigðisþjónusta og meðferð við fíkn standi einhverfu fólki og fólki með þroskahömlun til boða.
Landsþing Landssamtakanna Þroskahjálpar skorar á heilbrigðisyfirvöld að tryggja að fólk með þroskahömlun og/eða skyldar fatlanir og einhverft fólk fái viðeigandi geðheilbrigðisþjónustu og meðferð vegna fíknar til jafns við aðra.
Það er ólíðandi og mjög alvarlegt mannréttindabrot að synja fötluðu fólki um heilbrigðisþjónustu á grundvelli fötlunar.
Hækkun örorkulífeyris
Stjórnvöld hækki örorkulífeyri án tafar til jafns við lágmarkslaun.
Landsþing Landssamtakanna Þroskahjálpar krefst þess að örorkulífeyrir verði tafarlaust hækkaður þannig að hann verði jafnhár og lágmarkslaun.
