Tíunda hátíð Listar án landamæra

Glæsileg opnunarhátíð Listar án landamaæra var í Ráðhúsi Reykjavíkur 18. apríl sl. Það er sannarlega veisla í vændum, um 70 viðburðir um allt land og þátttakendur um 800. Dagskrá verður í Reykjavík, Mosfellsbæ, Hafnarfirði, Reykjanesbæ, Fellsenda í Dölum,

Akranesi, Borgarnesi, Selfossi, Húsavík, Akureyri, Ísafirði, Neskaupsstað, Fáskrúðsfirði, Seyðisfirði og á Egilsstöðum.

Dagskráin fer fram á allskyns vettvangi, þar á meðal er fyrrum sláturhús, strætóskýli, torg í borg sem og hefðbundnir sýningarstaðir og salir.

Á döfinni eru leikrit, listsýningar, handverkssýningar og markaðir, geðveik kaffihús, ljóðalestur, gjörningar, tónleikar, söngkeppnir, kvikmyndasýningar, karaoke, skapandi þrautabrautir og óvæntir pop-up viðburðir.

Dagskrá hátíðarinnar er hægt að nálgast hér á síðunni.