Hafnarfjarðarbær óskar eftir aðgengissögum

Fréttir 18.06.2021
Strandgata í Hafnarfirði
Strandgata í Hafnarfirði

Smelltu fyrir auðlesinn texta

  • Hafnarfjörður ætlar að búa til aðgengis-stefnu.
  • Þau vilja fá sögur og hugmyndir frá íbúum í Hafnarfirði.
  • Aðgengi snýst um aðgengi að byggingum og almennings-rýmum eins og til dæmis útivistarsvæði og fleira.
  • Aðgengi snýst líka um upplýsingar og þjónustu.
  • Þú getur smellt hér til að senda inn sögur.

Á samráðsvefnum Betri Hafnarfirði hefur verið stofnað svæði fyrir reynslusögur og hugmyndir um aðgengismál í sveitarfélaginu. Frumkvæði að stofnun svæðisins kemur frá starfshóp sem nýlega var stofnaður með það verkefni að marka heildstæða stefnu í aðgengismálum í Hafnarfirði.

Aðgengismál varða öll svið samfélagsins og ná yfir breitt svið, allt frá aðgengi að byggingum og almenningsrýmum til aðgengis að upplýsingum og þjónustu bæjarfélagsins. Hugmyndir og reynslusögur sem berast á Betri Hafnarfirði munu nýtast hópnum til að móta stefnuna og koma með tillögu að innleiðingaráætlun.

Smelltu hér til að skoða vefinn.

Til baka