Fréttir

Þann 27. febrúar birtist greinin „Vill breyta hugarfari gagnvart fötluðum“ eftir Stefán Gunnar Sveinsson í Morgunblaðinu en blaðið hefur veitt Landssamtökunum Þroskahjálp góðfúslegt leyfi til endurbirtingar.

Nýverið sendi umboðsmaður Alþingis frá sér álit vegna dvalar fatlaðs einstaklings á hjúkrunarheimili. Í áliti sínu kemst umboðsmaður að þeirri niðurstöðu að ákvarðanir stjórnvalda í málinu hafi ekki verið í samræmi við lög og samning Sameinuðu þjóðanna um réttindi fatlaðs fólks.

Skrifstofa Landssamtakanna Þroskahjálpar verður lokuð á morgun, föstudaginn 14. febrúar vegna veðurs.

Annar fundur ungmennaráðs Landssamtakanna Þroskahjálpar fór fram þann 6. febrúar. Fundurinn var vel sóttur og er mikill baráttuhugur í ráðinu! Hópurinn samþykkti tvær ályktanir á fundinum sem snúa að þingsályktunartillögu um menntastefnu og strætó samgöngur við Hitt húsið.

Fimmtudaginn 6. febrúar fer fram annar fundur Ungmennaráðs Þroskahjálpar kl. 16.00-18.00 (4 til 6).

Landssamtökin Þroskahjálp ítreka og minna á erindi sem samtökin sendu félagsmálaráðuneytinu 24. september 2019 um áskorun sína til félagsmálaráðuneytisins um að sjálfstæð, óháð og vönduð úttekt fari fram á starfsemi Sólheima. Þau telja afar óheppilegt að félagsmálaráðherra sem ber ábyrgð á eftirliti með að fatlað fólk njóti mannréttinda og framfylgd margra ákvæða samnings S.Þ. um réttindi fatlaðs fólks skuli lýsa því yfir opinberlega að starfsemi Sólheima sé góð og metnaðarfull án þess að farið hafi fram úttekt sem augljóslega er nauðsynleg.

Þann 22. febrúar kl. 10.00 fer fram fundur um fræðsluefni fyrir seinfæra foreldra. Þroskahjálp óskar eftir aðstoð þinni!

Í gær, þann 23. janúar, fór fram stofnfundur Ungmennaráðs Þroskahjálpar og sóttu 18 hress ungmenni fundinn og var margt sem brann á hópnum. Það sem hæst bar var til dæmis hvað varðar menntamál, atvinnutækifæri, búsetu og framtíðina! Þá ætla krakkarnir að skipuleggja heimsóknir í fyrirtæki og stofnanir og fá fræðslu um hin ýmsu málefni.

Anna Lára Steindal hefur verið ráðin verkefnastjóri í málefnum fatlaðra barna og ungmenna og fatlaðs fólks af erlendum uppruna, til eins árs. Þá mun Ásta Friðjónsdóttir, fulltrúi á skrifstofu minnka við sig vinnu.

Í gær var sendur út svindlpóstur í nafni starfsmanns Þroskahjálpar.