Fréttir

Almannaheill, regnhlífasamtök þriðja geirans, hvetja aðildarfélög sín, önnur félagasamtök, fyrirtæki og stofnanir og allan almenning til að leggjast á sveif með yfirvöldum í að draga úr áhrifum veirufaraldursins og fylla í þau skörð sem ekki er á færi opinberra aðila að fylla.

Í erlendum fjölmiðlum hefur komið fram að allt bendi til þess að COVID-smit séu mun útbreiddari meðal fatlaðs fólks og aldraðra sem dveljast á sambýlum, búsetukjörnum og stofnunum en á meðal fólks almennt.

Úrskurðarnefnd velferðarmála felldi fyrr í mánuðinum úr gildi ákvörðun sveitarfélags um að láta fatlaðan einstakling taka þátt í að greiða kostnað af fæði starfsmanns sem veitti honum þjónustu.

Stjórn Landssamtakanna Þroskahjálpar skorar á ríkisstjórnina að hraða framkvæmd lagaákvæða um niðurlagningu stofnana og herbergjasambýla fyrir fatlað fólk með því að ráðast í átak við byggingu íbúða og að fjölga NPA samningum.

Eftir áskorun frá Þroskahjálp um að birta meira auðlesið efni um kórónaveiruna hefur RÚV ákveðið að gefa enn frekar í og munu nú flytja fréttir á auðskildu máli af fjölbreyttum málum.

Vegna óviðráðanlegra aðstæðna mun útgáfu 1. tölublaðs tímarits Landsamtakanna Þroskahjálpar verða frestað.

Fátt annað en kórónaveiran hefur komist að í umræðunni undanfarnar vikur og starf Landssamtakanna Þroskahjálpar hefur litast af því. Við höfum staðið vaktina til að tryggja réttindi og öryggi fatlaðs fólks og aðstandenda þess, og miðlað margvíslegum mikilvægum upplýsingum um kórónaveiruna og ástandið.