Fréttir

Alþingi hefur samþykkt frumvarp til laga um breytingar á lögum um almannatryggingar, félagslega aðstoð og málefni aldraðra sem taka mun gildi 1. janúar 2017. Sett hefur verið upp bráðabirgðareiknivél á tr.is. Þann fyrirvara verður þó að setja að útreikningur skatta í reiknivélinni miðast við reglur ársins 2016.

Átak félag fólks með þroskahömlun og Landssamtökin Þroskahjálp sendu 6 spurningar til framboða næstu alþingiskosninga. Spurt var um hvaða afstöðu framboðin hafa til nokkurra mála sem skipta miklu máli fyrir fólk með þroskahömlun og annað fólk. Það skal tekið fram að þegar spurningarnar voru sendar, var það til þeirra framboða sem þá voru búin að tilkynna þátttöku til kosninga. Nokkur framboð hafa síðan bæst vð. Björt framtíð, Dögun, Framsókn, Píratar, Samfylkingin, Sjálfstæðisflokkurinn, Viðreisn og Vinstri græn fengu spurningarnar sendar.

Á fulltrúafundi samtakanna sem haldinn verður í Reykjanesbæ verður boðið uppá fræðslu- og umræðufund um samning Sameinuðu þjóðanna um réttindi fatlaðs fólks og áhrif hans á stjórn- og þjónustukerfið með sérstaka áherslu á þjónustu sveitarfélaga. Fundurinn hefst kl. 13:00 á Park Inn hótel og eru allir áhugasamir velkkomnir.

Listaverkaalmanak samtakanna fyrir árið 2017 er komið út. Almanakið er gullfallegt að venju og í þetta sinn prýðir það myndir eftir listakonuna Sigrúnu Eldjárn. Almanakið kostar 2.500 kr. og er hægt að panta það hér á síðunni og fá það sent heim. Þá munu sölumenn okkar ganga í hús og bjóða það til sölu. Við vonum að sölumönnum okkar verði vel tekið.