Fréttir

Allsherjarþing Sameinuðu þjóðanna samþykkti ályktun 13. desember 2006 um samning Sameinuðu þjóðanna um réttindi fatlaðs fólks. Upphaf samningsins, ef svo má segja, er miðað við þann dag. Samningurinn er því 10 ára í dag, 13 desember 2016. Markmið samningsins eru að „efla, verja og tryggja full og jöfn mannréttindi og grundvallarfrelsi fyrir allt fatlað fólk til jafns við aðra, jafnframt því að efla og vinna að virðingu fyrir eðlislægri mannlegri reisn þess.“

Á heimasíðu Sameinuðu þjóðanna segir um mannréttindadaginn: Alþjóðlegi mannréttindadagurinn er haldinn 10. desember ár hvert. Þann dag árið 1948 var mannréttindayfirlýsing Sameinuðu þjóðanna samþykkt á allsherjarþingi þeirra. Þessi dagur er til þess að minna okkur á skyldu okkar til að standa vörð um mannréttindi og ekki aðeins mannréttindi okkar sjálfra, heldur mannréttindi alls fólks. Margir hafa áhyggjur af þróun heimsmála. Brot gegn grundvallarréttindum fólks eru enn algeng hvarvetna í heiminum. Öfgaöfl beita fólk hroðalegu ofbeldi. Áróður sem þrífst á fordómum og hatri dynur á fólki. Mannúð og mannleg gildi eiga undir högg að sækja. Við verðum að standa vörð um það mannle

Alþjóðadagur fatlaðs fólks er 3. desember ár hvert. Í tilefni af því og í tengslum við afmælisráðstefnu sem Landssamtökin þroskahjálp héldu samtökin 2. desember þar sem á þessu ári eru liðin 40 ár frá stofnun samtakanna veittu þau viðurkenningargrip sinn, Múrbrjótinn. Myndlistaskólinn í Reykjavík hlýtur Múrbrjótinn 2016 vegna diplómanáms í myndlist fyrir fólk með þroskahömlun og þess framlags sem í því felst í þágu jafnra tækifæra til náms og listsköpunar.

Landssamtökin Þroskahjálp eiga 40 ára afmæli á árinu. Í tilefni af því og alþjóðadegi fatlaðs fólks, sem er 3. desember, halda samtökin ráðstefnu á Grand hótel í Reykjavík eftir hádegi föstudaginn 2. desember nk. Í tengslum við ráðstefnuna verða „Múrbrjótar“ samtakanna afhentir en það er viðurkenning sem Landssamtökin Þroskahjálp veita aðilum sem að mati samtakanna hafa brotið niður múra í réttindamálum fatlaðs fólks og viðhorfum til þess. Á ráðstefnunni verða flutt nokkur mjög áhugaverð erindi sem fjalla með einum eða öðrum hætti um hvað er samfélag fyrir alla þar sem allir fá tækifæri til að lifa góðu lífi og hvernig getum við öll saman skapað slíkt samfélag. Hver er ávinningurinn af því að skapa þannig samfélag fyrir alla og þá sem tilheyra meirihlutanum svonefnda ekkert síður en þá sem teljast til minnihlutahópa? Þessi áhugverða afmælisráðstefna er ókeypis og öllum opinn og eru allir hvattir til að koma, fylgjast með, og taka þátt í henni, vera með þegar Múrbrjótarnir verða afhentir, þiggja léttar veitingar að því loknu og gleðjast saman í tilefni af fertugsafmæli Þroskahjálpar.