Fréttir

Landssamtökin Þroskahjálp hafa gefið út rit til þess að styðja við og leiðbeina þeim sem vinna með seinfærum foreldrum. Ritið er skrifað af þeim Sigríði Elínu Leifsdóttur, þroskaþjálfa og Maríu Hreiðarsdóttur, seinfærri móður og rithöfundi. Í því er einnig að finna kafla með ráðum og óskum frá hópi seinfærra foreldra sem voru til stuðnings og yfirlestrar.

Dregið hefur verið í happdrætti almanaks Landssamtakanna Þroskahjálpar 2021.

Rannsóknir hafa sýnt fram á að dánartíðni meðal fólks með Downs heilkenni er 10 sinnum hærri en almennt gengur og gerist. Landssamtökin Þroskahjálp höfðu vegna þess samband við sóttvarnarlækni til þess að hvetja til þess að hugað verði að því að bólusetja fólk með Downs heilkenni sem fyrst. Þýsk stjórnvöld hafa til að mynda sett fólk með Downs heilkenni í flokk 2 varðandi forgang í bólusetningar.

Alþjóðlegar rannsóknir sýna að fatlaðar konur eru mun líklegri en aðrar konur að vera beittar ofbeldi. Þrátt fyrir það, og þrátt fyrir að um sé að ræða alvarleg mannréttindabrot, er ofbeldi gegn fötluðum konum enn falið og ósýnilegt og sjaldan brugðist við því af hálfu yfirvalda. Rannsóknir sýna að ofbeldi gegn konum og börnum hefur aukist í COVID-19 faraldrinum, einnig á Íslandi. Hér á landi hafa stjórnvöld brugðist við þessu með því að nýta nýja tækni við að þróa 112 vefgátt til vitundarvakningar og sem tæki til að takast á við og hindra ofbeldið.

Eftirtalin félög skora á íslensk stjórnvöld að fullgilda samning Sameinuðu þjóðanna um bann við kjarnorkuvopnum en samningurinn var samþykktur af 122 ríkjum á ráðstefnu Sameinuðu þjóðanna í New York þann 7. júlí 2017. Hinn 24. október sl. höfðu 50 ríki fullgilt samninginn og mun hann því taka gildi í dag, þann 22. janúar 2021

Umboðsmaður barna, ásamt Landssamtökunum Þroskahjálp og Tabú hafa sent bréf til dómsmálaráðuneytisins og Dómstólasýslunnar vegna ofbeldis gegn fötluðum börnum.

Landssamtökunum Þroskahjálp barst á höfðingleg gjöf. Svanhildur Jónsdóttir, f. 8. nóvember 1942, d. 4. ágúst 2020 til heimilis á Brákarhlíð í Borgarnesi ánafnaði samtökunum rausnarlegri fjárhæð í erfðaskrá.