Fréttir

Utanríkisráðherra hefur lagt fram á Alþingi þingsályktunartillögu þar sem leitað er heimildar Alþingis til fullgildingar á samningi Sameinuðu þjóðanna um réttindi fatlaðs fólks. Fyrri umræða um þingsályktunartillöguna er á dagskrá Alþingis í dag. Landssamtökin Þroskahjálp fagna því að þingsályktunartillagan skuli vera fram komin því að löngu er tímabært að Ísland fullgildi þennan mikilvæga mannréttindasamning sem var gerður fyrir um tíu árum síðan. Í þingsályktunartillögunni sem nú liggur fyrir Alþingi segir m.a.:

Nú hefur nýr starfsmaður bæst í hópinn hjá samtökunum, Símon Gísli Ólafsson KR-ingur með meiru! Símon er húsasmíðameistari og mun hafa eftirlit með húseignum samtakanna og sjá um viðhald og endurbætur. Við bjóðum Símon velkominn til starfa.

Rannsóknasetur í fötlunarfræðum, Landssamtökin Þroskahjálp og Velferðarsvið Reykjavíkur stóðu að morgunfundi um búsetu fólks með þroskahömlun. Hægt er að nálgast efni frá fundinum hér.

Rannsóknasetur í fötlunarfræðum, Landssamtökin Þroskahjálp og Velferðarsvið Reykjavíkur stóðu að morgunfundi um búsetu fólks með þroskahömlun. Hægt er að nálgast efni frá fundinum hér.

Rannsóknasetur í fötlunarfræðum, Landssamtökin Þroskahjálp og Velferðarsvið Reykjavíkur bjóða til morgunfundar. Boðið er til morgunfundar með tveimur bandarískum sérfræðingum um málefni fatlaðs fólks. Báðir hafa starfað í áratugi á þessum vettvangi, ekki síst í þróun búsetu og eftirliti með gæðum hennar. Þeir hafa m.a. unnið í anda dr. Wolf Wolfensbergers (1934-2011) fræðimanns og áhrifamikils frumkvöðuls í málefnum fatlaðs fólks.

Landssamtökin Þroskahjálp í samvinnu við réttindavakt velferðaráðuneytisins standa fyrir fræðslukvöldum um þær breytingar sem verða í lífi fatlaðs fólks við það að komast á fullorðinsár. Fyrstu tvö kvöldin voru í maímánuði og var þar fjallað um þær breytingar sem eiga sér stað á réttarstöðu fólks við 18 ára aldur . Í september verða þrjú fræðslukvöld til viðbótar um nám að loknum framhaldsskóla, atvinnumál og að flytja að heiman. Öll fræðslukvöldin verða að Háaleitisbraut 13. 4. hæð.

Skrifstofan á Háaleitisbrautinni verður lokuð í dag - verðum á Fundi fólksins við Norræna húsið í dag og á morgun. Hittumst þar

STOLTGANGAN 2016 Við göngum á ólíkan hátt - en öll í sömu átt Í Stoltgöngunni göngum við saman hönd í hönd og berum höfuðið hátt. Gangan verður laugardaginn 3. september og verður lagt af stað frá Austurvelli klukkan 11:30 (hálf tólf) og gengið að Norræna Húsinu.

Á heimasíðu innanríkisráðuneytisins birtist 10. ágúst sl. frétt um að skýrsla um stöðu mannréttindamála á Íslandi hefði verið send til Sameinuðu þjóðanna. Skýrslan er hluti af reglubundinni allsherjarúttekt SÞ á stöðu mannréttindamála í aðildarríkjunum og verður hún tekin fyrir hjá vinnuhópi SÞ í nóvember nk.