Fréttir

Á stjórnarfundir samtakanna sem haldinn var 14. nóvember sl. var eftirfarandi ályktun samþykkt: Aukin framlög í fjárlögum til þjónustu við fatlað fólk. Stjórn Landssamtakanna Þroskahjálpar tekur undir áskorun landshlutasamtaka sveitarfélaga frá 9. nóvember sl. þar sem skorað er á ráðherra og alþingismenn að tryggja að við gerð fjárlaga fyrir árið 2016 verði aukin framlög til þjónustu við fatlað fólk og til fleiri þar tilgreindra málaflokka sem eru mikilvægir fyrir byggðaþróun til framtíðar

Stjórn Þroskahjálpar á Suðurlandi ræddi á fundi 9. nóvember fréttir af sumardvalarheimili fyrir fatlaða sem rekið var skammt utan við Selfoss. Af því tilefni vill stjórnin taka undir og gera að sínum kröfu formanns Landssamtakanna Þroskahjálp um að stjórnvöld sinni skyldu sinni til eftirlits með þeim einkaaðilum og stofnunum sem koma að umönnun fatlaðra.

Undanfarna daga hefur í fjölmiðlum verið fjallað um kynferðislegt ofbeldi gegn fötluðum konum, hvaða skyldur hvíla á stjórnvöldum til að vernda þær gegn slíku ofbeldi og hvaða eftirliti stjórnvöldum ber að halda uppi í því skyni. Þetta er afar mikilvæg og mjög tímabær umfjöllun og umræða og þó að tilefni þess að hún er nú svo mikil í fjölmiðlum og samfélaginu öllu nú séu mál sem hljóta að vekja mikinn óhug er það von Landssamtakanna Þroskahjálpar að stjórnvöld bregðist nú tafarlaust við og geri það sem gera þarf til að tryggja fötluðum konum nægilega vernd gegn ofbeldi með lögum, í stjórnsýsluframkvæmd og réttarkerfinu öllu.

Hverja má nauðungarvista? Hverjir geta beðið um nauðungarvistun? Hvað með lögræðissviptingu? Hver eru réttindi hins svipta? Standast ný lögræðislög yfirhöfuð alþjóðlega mannréttindasáttmála?

Á landsþingi samtakanna í október sl. var ályktað sérstaklega um nauðsyn þess að stjórnvöld hugi að því hvernig tryggja megi að fatlað fólk njóti verndar í réttarkerfinu, til jafns við aðra og grípi til nauðsynlegra aðgerða í því skyni. Frásagnir sem komið hafa í fjölmiðlum að undanförnu sýna mjög vel nauðsyn þessa.

Við munum á næstunni setja inn reglulega útskýringar á auðlesnu máli á samþykktum landsþings. Ályktanir landsþings Landssamtakanna Þroskahjálpar 2015. Endurskoðun laga um málefni fatlaðs fólks og laga um félagsþjónustu sveitarfélaga. Landsþing Landssamtakanna Þroskahjálpar leggur mikla áherslu á að við endurskoðun laga um málefni fatlaðs fólks og félagsþjónustu sveitarfélaga verði tryggt að réttindi fatlaðs fólks njóti skýrrar og góðrar verndar. Landsþingið leggur áherslu á að þau réttindi og skyldur sem samningur Sameinuðu þjóðanna um réttindi fatlaðs fólks kveður á um, verði án frekari dráttar, innleidd í íslensk lög, reglur og stjórnsýsluframkvæmd með afdráttarlausum hætti. Landsþingið telur að réttindi fatlaðs fólks og vernd þess fyrir mismunun af ýmsu tagi verði best tryggð með sérlögum sem verði í fullu samræmi við samning Sameinuðu Þjóðanna um réttindi fatlaðs fólks.

Á landsþingi samtakanna var Bryndís Snæbjörnsdóttir einróma endurkjörin formaður til næstu tveggja ára. Nokkrar breytingar urðu á stjórn og má sjá nýja stjórn hér

Vekjum athygli breytingum á heimasíðu okkar. Nú eru komnir tveir nýir tenglar, annars vegar „Álit og umsagnir“ og hins vegar „Greinar, ávörp o.þ.h.“

Alþjóða geðheilbrigðisdagurinn er 10. október og á þessu ári hefur Alþjóða heilbrigðismálastofnunin valið að yfirskrift hans verði „virðing í geðheilbrigði“ Virðing er margrætt hugtak án þess að eiga sér tæmandi skilgreiningu en öll berum við kennsl á virðingu þegar hún er auðsýnd og það sem mikilvægara er, við finnum fyrir því þegar hana skortir.

Leiðari Fréttablaðsins í dag fjallar um skert mannréttindi fólks með þroskahömlun. Mannréttindi fólks með þroskahömlun eru skert á Íslandi. Sjálfræði þeirra er takmarkað og forræðishyggja nær til flestra þátta daglegs lífs. Rannsókn þriggja dósenta við Háskóla Íslands sem framkvæmd var á árunum 2011 til 2015 leiddi þetta í ljós. Í rannsókninni kom fram að enn þann dag í dag eru framkvæmdar ófrjósemisaðgerðir á þroskahömluðum konum eftir þrýsting frá fjölskyldum þeirra.