Fréttir

FFA - fræðsla fyrir fatlaða og aðstandendur stendur að fræðslufundi í samvinnu við CP félagið þriðjudaginn 17. september kl. 20:00

Bókanir í Daðahús á Flúðum fyrir haustið og veturinn streyma inn. Enn nokkrar helgar lausar og þá er einnig er hægt að leigja húsið á virkum dögum. Gott aðgengi - heitur pottur - allir velkomnir.

Samtökin halda landsþing sitt 11.- 12. október nk. á Grand hótel Reykjavík. Landsþingið verður sett föstudagskvöldið 11. okt. með hefðbundinni dagskrá og eru allir velkomnir á setningarhátíðina. Laugardaginn 12. okt. hefst dagskráin með ráðstefnu fyrir hádegi. Allir eru velkomnir á ráðstefnuna og hvetjum við fólk til að fjölmenna. Eftir hádegi er síðan aðalfundur samtakanna með dagskrá skv. lögum þeirra. Áhugasömum er heimilt að sækja aðalfundinn, en atkvæðisrétt hafa eingöngu formlegir fulltrúar aðildarfélaganna.

Þroskahjálp leitar eftir stuðningi. Við treystum á að fólk drullist með okkur og taki þátt í þessu stórskemmtilega leik sem Mýrarboltinn hefur sett af stað til að styðja góð málefni. Þroskahjálp er eitt af þessum málefnum og treystir á sitt fólk til að drullast til að taka þátt og styðja gott málefni.

"Drullastu til að leggja góðu málefni lið", voru einkunnarorð þeirra sem lögðu leið sína að höfuðstöðvum Tjarnargötunnar fyrir síðustu helgi en þangað flykktust þjóðþekktir einstaklingar úr hinum ýmsu áttum, allt frá vinsælum tónlistarmönnum til þrautseigra alþingismanna. Öll áttu þau það sameiginlegt að vera þangað komin til þess eins að fá framan í sig drullu. Sjónvarpsfólkið úr þáttunum Með okkar augum drullaðist til að vera með og styðja Þroskahjálp

Vegna nýrrar herferðar sem myrarbolti.com er að fara af stað með ætlum við að lagfæra tæknimál okkar á Fésbókinni. Því biðlum við til ykkar að líka við okkur á nýrri síðu Landssamtakana Þroskahjálpar og hjálpa okkur að deila síðunni áfram. Nú treystum við á að ykkur líki við okkur. (Smelltu á tengilinn)

Skrifstofa samtakanna verður lokuð vegna sumarleyfa frá og með 15. júlí. Opnum aftur 6. ágúst.

Í kvöld kl. 20:10 verður fyrsti þátturinn í nýrri þáttaröð "Með okkar augum" sýndur á RUV. Þættirnir hafa hlotið verðskuldaða athygli og fengið fjölda viðurkenninga, m.a. verið tilnefndir til Edduverðlauna.

Minnum á fundinn um ferðaþjónustu fatlaðra í Reykjavík í dag kl. 16:00 að Háaleitisbraut 13, 4. hæð. Allir velkmonir.

Vegna forfalla er Daðahús á Flúðum laust vikuna 28. - 5. júlí, aðeins 30 þús.kr. vikan. Frábært hús með góðu aðgengi, heitum potti og öllum þægindum.